Shah kem u nongialam ka KJNU, uba shah kynnoh dawa pisa
Ki pulit jong ka West Jaintia Hills District ki la kem ïa u nongïalam Khasi Jaintia National Union (KJNU) halor ka jingkynnoh ba ula dawa pisa na ki nongshalan masi.
Une u nongialam ka KJNU u dei u Niman N Shadap.
Ki Pulit ka West Jaintia Hills kila kem ia u najan DC ophis Jowai haka sngi Balang hadien ba u thmu ban leit pan bail na ka iingbishar halor ka jingshah kynnoh ba u dawa pisa.
La kem ïa u Niman haba ïa dei bad ka Jowai PS Case No. 5 (1) 21 u/s 386/511 IPC.
Katkum kane ka case la ïathuh ba, u Jayanta Tati bad kiwei na Nagoan Assam ki la ujor ha Ummulong OP ba ha ka 13/01/2021 katba ki dang kit masi ha artylli ki trok AS 02 BC 3654 bad AS 02 AC 6222 sha East Jaintia Hills bad ynda ki la poi ha Mookyndur kawei ka kali ML 10 B 3654 ka la pynsangeh ïaki trok bad dawa ïaki challan bad kiwei kiwei de ki kot ki sla kaba ki la kyntait ban pyni.
La kynnoh ba Niman bad u Teilang Lamare kila dawa ar lak tyngka na ki.
Kaba phylla pat ka long, u Niman ula ujor ha Ummulong OP ba ula shah byrngem pynïap ha u President Meghalaya People United Front (MPUF) central body, u Dapoiwanmi Laloo.
Ki pulit ki la register ïa ka jowai PS case no 6(1) 21 u/s 506 ipc halor katei ka jingujor.
Facebook
Instagram
Youtube
Twitter
Leave a Reply