Shah kem u nongkhaii drok ha ryngkat 79.81 gram u heroin na Ratacherra

Syllad | The Rising MeghalayaAugust 23, 2024

Ki dkhot ka ANTF ha ryngkat ki bor pulit ka Umkiang, East Jaintia Hills ha ka step jong ka 22 tarik mynta u bnai ki la ioh ban kurup ia u drok heroin uba don ka jingkhia kaba haduh 79.81 gram na Ratacherra.

Halor kane ki pulit ki la ioh ruh ban kem noh ia uwei u briew uba donkti ia uba la tip kyrteng kum u Md Siraj Ali 36 snem rta uba shong ba sah ha Forest Colony Polo, Shillong.

Na ka liang u heh pulit u pyntip ba ha ka por kumba 4 baje jong ka 22 tarik ka kynhun ANTF ryngkat ki pulit ka Umkiang ki la pynlong ka jingtalasi ia ki kali ha Ratachera, East Jaintia Hills da ka jingthmu ban khanglad ia ki briew kiba na bar kiba pyrshang ban wan rung beain hadien ba ki la ioh ban bat noh ia kawei ka bus night super kaba don ia u No AS12E 6399 kaba wan napoh Silchar.

Ha ka jingtalasi ki pulit ki la ioh ban kurup noh ia hynniew tylli ki synduk sabon na uwei u nongleit jingleit bad ha ka jingtohkit shem la shem ba u dei u drok heroin uba don ia ka jingkhia kaba 79.81 gram.

Hadien kane ki pulit ki la kem noh ia une u briew bad pyngnat hapoh ki kyndon ka NDPS Act bad ka jingtohkit ia une u briew ka dang iaid shakhmat.