Shah kem u nongkhaii drok napoh jingkieng Umshyrpi, ioh kurup haduh 920 tylli ki dawai kuli

Syllad | The Rising MeghalayaNovember 2, 2023

Ki bor pulit na ka Tnat Anti Narcotics Task Force (ANTF) jong  ka East Khasi Hills haka sngi Palei  kila ioh ban kem noh ia uwei u nongkhaii drok napoh Jingkieng Umshyrpi, kaba hap hapoh ka Jhalupara Out Post, Shillong.

Na une u briew uba la don 45 snem rta la ioh ban kurup noh haduh 920 tylli ki dawai kuli Nitrapzepam kiba don ka jingkhia kaba 9400 mg.

Na ka liang u Superintendent of Police (City) u Bah Vivek Syiem u pyntip ruh ba ki pulit ha kane ka jingkhynra ki la ioh ruh ban kurup noh ia kawei ka mobile phone, 8 tylli ki kotkhubor ba song ia kine ki dawai kuli bad kawei ka pla rong iong.

Hadien ba la kem la register case ia une u briew hapoh Lumdiengjri Police Station hapoh ki kyndon ka NDPS Act.