Shah kem u Paul bad uwei na Manipur halor ka jingkit drok

Syllad | The Rising MeghalayaJune 15, 2023

Arngut ki briew kila shah kem noh haki pulit jong ka jong ka East Jaintia hills District haka sngi Palei halor ka jingdonkti ban kit ia u drok uba khia palat 600 gram.

Kine ki ar ngut ki dei u Shokhothang Touthang 41 snem ka rta Imphal Langol Manipur bad u Sujit Paul 31 snem ka rta ba na Karimganj, Assam.

Ki pulit kila kem shuwa ia u Shokhothang ba rah ia u drok ba khia 278.3 gram ha ki 26 tylli ki synduk sabon. Hadien pat kila ioh kem ia u Sujit Paul naka kali Mahindra Scorpio kaba don ia u number. MZ01 D 6525.

Na kali ne u Paul, ki pulit ki kurup 353.3 gram u drok heroin na ki 33 tylli ki synduk sabon bala song bha ia une u drok. Une u Paul ula pyrshang ban phet krad naka jaka ap pahara ki pulit ha Nongsning.

Baroh ar ngut kine ki nongkhaii drok lakem iaki bad la pyngngat iaki hapoh ka kyndon aiñ NDPS Act bad la register iaka case ha Khliehriat Police Station