Shah kem u shipai ba la shongthait ha ryngkat u drok heroin na Nongbah Shillong

Syllad | The Rising MeghalayaJune 29, 2024

Ki pulit na ka Tnat Anti Narcotics Task Force (ANTF) ka East Khasi Hills ha ka 29 tarik Jylliew, ki la  kem noh ia uwei u shipai uba la shongthait na ka kam bad ioh ban kurup ia u drok heroin na ka thain Happy Valley.

Une u briew uba la shah kem noh u dei uba la tip kyrteng kum u Lhunkhojang Kuki 63 snem rta uba la shongthait na ka tnat Shipai Assam Regiment ha u snem 2001, ong ka khubor pulit

Na une u briew ki pulit ki la ioh ban kurup noh ia hynriew tylli ki song sabon kiba don ia u drok heroin uba khia 69.41 gram, kawei ka mobile phone nalor ka Scooty kaba don ia u R/No MN-01 Y 8820 bad ka pisa T.21,600 nalor ka laisen niah kali.

Na ka liang ki pulit ki la register case pyrshah ia une u briew bad ka jingtohkit ka la iaid shakhmat.