Shah kem u snar nongtuh ba la shah thwet jur ka nongbah Shillong

Syllad | The Rising MeghalayaSeptember 28, 2024

Uwei u snar nongtuh ba la shah thwet jur ka nongbah Shillong u la shah kem noh ha ki bor pulit na ki bynta jong ka nongbah ha ka 27 tarik u Nailur.

U Superintendent of Police ka East Khasi Hills u Bah Sylvester Nongtnger u la iathuh ba une u snar nongtuh u dei uba kyrteng u Shanbor Wahlang ia uba la tip ruh kum u Moolchand u la shah kem noh ha ki heh pulit ryngkat ki pulit napoh Laitumkhrah police station.

“U Shanbor la ong ba u dei ruh u ba la shah suba jur halor ka jingdonkti ha kiba bun tylli ki kam tuh kam thiem bad ki jingjia kam lute kiba la jia ha ki bynta jong ka Nongbah Shillong naduh u snem 2022,” ong u SP.

Nalor kata u dei ruh u ba la shah thwet halor ki sawtylli kiwei pat ki case ba la register hapoh Sadar police station.

Mynta ka jingtohkit ia une u briew ka dang iaid shakhmat khnang ban lap ia ki jingshisha ha kaba iadei bad kine ki kam tuh kam thiem bad kiwei pat ki kam pyntriem.