Shah kem u suba donkti pyniap ia ka longkmie na Sahsniang

Syllad | The Rising MeghalayaJune 10, 2024

Ki pulit ki la ioh ban kem noh ia uwei u briew halor ka jingsuba donkti ha ka jingshah pyniap jong kawei ka longkmie kaba dei na ka shnong Sahsniang A, West Jaintia Hills kaba la jia ha ka 9 tarik mynta u bnai.

Une u briew uba la shah kem u dei uba la tip kyrteng kum u Wanpyrkhat Lathong 43 snem rta uba dei na ka shnong Niawkmai.

Katei ka jingjia shah pyniap kaba sngewtriem ka la jia ha ka 9 tarik mynta u bnai ha ka por kumba 1 baje mynsngi hapoh kawei ka jaka rep.

Katkum ki pulit la iathuh ba katei ka lanot kaba kyrteng ka Kong Ailem Bamon ka la shah pyniap da kaba shah siah na u ryndang.

La iathuh ruh ba uwei pat u briew uba kyrteng u Ki Dkhar ruh u la mynsaw jur na ki bynta jong u ryndang ha katei ka jingshah thombor bad don mynta hapdeng ka jingshah sumar hapoh Civil Hospital, Jowai.

Na ka liang ki bor pulit kiba la shimkhia halor kane ka jingjia ki la pynlong mardor ia ka jingthwet bad ioh ban kem noh ia une u suba donkti ha katei hi kajuh ka sngi ba la jia katei ka jingshah shah thombor.