Shah kem uba donkti pyniap ia u rangbah ha Erpokon, Ri Bhoi

Syllad | The Rising MeghalayaMay 13, 2024

Ki bor pulit ka Nongpoh Police Station hadien ka jingtohkit ki la kem noh ia u briew uba la shah kynnoh donkti ha ka jingshah pyniap jong uwei u rangbah na ka shnong Erpakon kaba la jia ha ka miet 11 tarik Jymmang.

U Superintendent of Police ka district u Jagpal Singh Dhanoa, u la iathuh ba ki pulit ka Nongpoh PS tang mar ia ioh pdiang ia ka jingujor ejehar na kiba haiing halor ka jingjia shah pyniap jong u Bah Kyrmen Lyngdoh Nonglait 38 snem rta u ba na ka shnong Erpakon, Ri Bhoi District, ki pulit ki la pynlong mardor ia ka jingtohkit da kaba leit jurip bniah ruh sha ka jaka ba la lap ia ka met u tei u Rangbah.

U SP u la iathuh ruh ba ha ka jingtohkit ki pulit ki la kem noh ia u wei u bar jylla uba  kyrteng u Raju Rajbhar 43 snem rta u ba na Sonapur, Kamrup Assam u ba trei ha kawei ka dhaba ha ka shnong Erpakon, bad mynta ki pulit ki dang pynlong shuh shuh ia ka jingtohkit.

Ha ka jingtohkit la lap ruh ba ka daw kaba la poi shaduh u pud jong ka jingiap ka dei namar ka jingiashoh iadat ha kaba utei u rangbah uba don hapdeng ka jingbuaid kyiad u la shah bom ha u Rajbhar da ka kynja lyntang na ki bynta ki skhor haduh ba u la mynsaw jur bad khlad noh ha Nongpoh Civil Hospital.