Shah kem uwei ba shah kynnoh rahbor bad lehbeijot ia ka khynnah ha West Jaintia Hills

Syllad | The Rising MeghalayaSeptember 14, 2024

Uwei u rangbah uba dei West Jaintia Hills u la shah kem noh halor ka jingshah kynnoh donkti ha kaba leh beijot ia kawei ka khynnah kaba dang 12 snem rta.

Ka khubor pulit ka iathuh ba ha ka 14 tarik Nailur, kawei ka longkmie kaba na kawei ka shnong kaba hap ha Jowai Police Station, ka la wan mudui da ka ejahar pyrshah ia uwei u briew uba 28 snem rta halor ka jingdonkti ha kaban rahbor bad leh beijot ia kawei ka khynnah kaba dang 12 snem rta,  katba ka dang leit tong um kham pajih na ka iing sah jong ki haka por 6:30 mynstep jong ka 14 tarik Nailur.

Na ka liang ki pulit ki la register case ha Jowai Police Station hapoh ki kyndon ain jong ka kam lehbeijot bad rah bor bad ka POCSO Act.

Hadien ba la kem noh ia une u briew bad ki pulit kin sa rah ia u shapoh ka Kashari lashai ka sngi 15 tarik Nailur.