Shah kem uwei halor ka jingshah pyniap ka khynnah skul ha East Jaintia HIlls

Syllad | The Rising MeghalayaMarch 27, 2021

Uwei u briew uba suba jur ba u donkti ban pyniap ia kawei ka khynnah skul ha Ar kilo, East Jaintia Hills District dangshen ula shah kem noh ha ki Pulit jong ka Crime Branch, East Khasi Hills District.

Ka khubor kaba iohlum la kem ia une u briew haka sngi Thohdieng.

Ia kane ka case kaba la register ha Khliehriat Women Police Station Case No. 09(03)2021 bad la aiti sha ka Crime Branch Police Station, East Khasi Hills.

Ki ophisar jong ka Crime Branch Police Station da ka jingiarap jong ka Crime Scene Unit ki pulit East Jaintia Hills Police kila pynlong iaka jingtohkit bniah bad da ka jingphla jong u ba u donkti ban pyniap kila kem noh ia u.

U Assistant Inspector General of Police (A), G.K. Iangrai, MPS ula iathuh ba ka jingtohkit kala iaid shakhmat ioh dang shuh kiwei kiba donkti halor kane ka kam.

Kumban shu pynkynmaw kane ka khynnah kala jah haka 12/3/21 bad la lap iaka met iap jong haka sngi ba bud 13/3/21 haka Ar kilo, Dkhiah East, East Jaintia Hills District.