Shah khang ki nong Khanduli ban leit rep haki shnong Karbi

Syllad | The Rising MeghalayaMay 2, 2023

Ka jingpyni bor mar kylliang ha ki jaka ba iaknieh ha khappud Assam Meghalaya kala iai bteng bad kane ka buh jingeh ia ki nongshong shnong Khanduli bad ki shnong ba marjan ban leit rep leit riang sha ki jaka rep kiba don sha ki shnong kiba bun ki nong Karbi.

Hadien ka jingsieh signboard bad buh khyrdop lum khajna da ka Karbi Anglong Autonomous Council (KAAC), ki nongshong shnong ka Khanduli kila jynrat ia katei ka signboard haka 17 tarik u bnai Iaiong. Kila shim ruh iaka sienjam ban khang iaka leit ka wan ki briew bad kali na West Jaintia Hills ban leit sha West Karbi Anglong, Assam.

Mynta ka pat sa ki paid Karbi kila pyni bor bad khang iaki nong Khanduli ban leit rep leit riang sha ki jaka rep jong ki kiba don ha ki shnong ba bun Karbi kum ka Myni, Umpawiang bad kiwei kiwei ki shnong.

U Waheh Shnong Khanduli, U Yooshida Nongspung ula ïathuh ba ka jingkhang lad ki paid Karbi iaki nongshong shnong ka Khanduli ban leit rep ka dei namar ba ki pyrshah iaka jingbuh khyrdop khrong khajna ka KAAC ha Khanduli.