Shah ktah ka shnong Huroi na ka jingshlei um

Syllad | The Rising MeghalayaJune 16, 2024

Ka shnong Huroi kaba don ha ki bynta khappud India Bangladesh ha East Jaintia Hills District kala shah ktah na ka jingshlei um na ka jingwan ther jur u slap ha kine ki khyndiat sngi.

U Waheh Shnong Huroi u Golden Marbaniang ula ong ba kane ka jingjia shlei um kala jia haka 15 tarik Jylliew bad bun tylli ki iing kila shah tap haka um. Ula iathuh ba iaki briew la pynkynriah sha ki jaka ba shngain ba lait na ka jingma na ka jingshlei um.

Une u nongialam shnong ula ong ba ka jingjia shlei um ka jia na ka daw ka jingbym don ki jingiada iaki wah duid bad ula kyntu iaka sorkar bad nongmihkhmat ka thain ban shna iaka kynroh ban iada iaka jingshlei ha ki bynta ba sharum ka shnong. Ula pynkynmaw ruh ba ki dep ai dorkhas ban shna kyrnoh ban iada na ki um ki wah ha ki snem kiba la dep.