Shah kynnoh u Emlang Laloo ba lehbeijot iaka khynnah ba dang 9 snem

Syllad | The Rising MeghalayaMay 21, 2024

Kawei ka longkmie ka la ujor da ka ejahar pyrshah ia uwei u briew uba la tip kyrteng kum u Emlang Laloo halor ka jingkynnoh lehbeijot ia ka khun jong ka kaba dang 9 snem rta ha ki artylli ki jingjia kiba la jia ha u snem 2023 hapoh ka iingsah jong u kata ha ka por ba ki shong ki sah kum ki nongsah wai.

Halor kane ka jingjia u Superintendent of Police ka district u la ong ba ki pulit ki la rejistar case hapoh Jowai Police Station katkum ka Jowai PS C/No 31(5)24 u/s 3(b)/4 POCSO Act.

Une u briew uba la shah kynnoh donkti u la shah kem noh ha ka 17 tarik Jymmang bad mynta u dang don hapdeng ka jingshah sumar hapoh NEIGRIHMS Shillong lyngba ka jingphah u medical officer.