Shah lehbeijot ka khynnah 12 snem hala u kpa ha West Jaintia

Syllad | The Rising MeghalayaFebruary 12, 2021

Kawei ka khynnah kaba dang 12 snem ka rta kala shah lehbeijot hala u jong u kpa bad kane kala paw pyrthei dang ha kine ki khyndiat sngi.

Kiba haiing kila mudui iaka jingujor ejehar ha Women Police, Jowai haka sngi Palei.

Kane ka jingjia shah lehbein kane khynnah kala jia naduh u bnai Nohprah (December) 2020. La kynnoh ba u kpa kane ka khynnah ula leh ia kane ka kam sang la bun bun sien bad byrngem byrsit ban pyniap iaka lada ka iathuh briew.

Katkum ka jingiathuh kiba haiing kane ka khynnah kam shym la nud ban iathuh iano iano iaka kam sang u kpa jong ka, hynrei ka kmie jong ka hadien ba kala ipher iaka jinglong jingman ka khun jong ka, kala pynshlur iaka khun ban iathuh ia kaei kaba la jia iaka.

Hadien ba ka kmie kane ka khynnah kala iasyllok bad ka khun, kane ka khynnah kala iathuh lut ia ka jingjia pyrshah iaka bad iathuh ba u kpa jong ka ula leh bein ia ka bad lehbeijot iaka.

Halor kane ka jingjia ka Women Police Jowai marsien ioh iaka jingujor kala shimkhia ban pyntip sha ka thanad kaba hap haka shnong kane ka khynnah ka Nartiang Police Station bad kila leit kem ia u kpa jong kane ka khynnah ha ka juh ka sngi

Ka jingtohkit ki pulit halor kane ka jingjia kala iaid shakhmat.