Shah lun maw ki iing ki sem ki nongkyrshan PDF ha Nongbah

Syllad | The Rising MeghalayaMarch 2, 2023

Tang hadien ka jingniew vote ka jinglun maw iaki iing ki sem kala jia ruh haka shnong Nangbah, West Jaintia Hills District haka 2 tarik u bnai Lber 2023.

Ka Shnong Nangbah ka hap haka Raliang Constituency kaba la jop da u kyrtong ka NPP u ma Comingone Ymbon.

Kane ka jingjia shah lun maw kala jia ha Iawmusiang Nongbah ha kaba ki iing jong ki nongkyrshan ka PDF kila shah lun maw ha ki briew kiba ym lah satia ban tip.

Ka shnong Nangbah ka don ar ngut ki kyrtong na ka juh ka shnong ka ta BJP bad PDF nalor u kyrtong UDP, TMC, Congress.

Haduh bala thoh iaka khubor ym don kano kano ka jingmynsaw.

Na kaliang ka bor synshar district kala pynjari da ka Curfew ban tem iaka jingkynad bad ban pynneh iaka shongsuk shongsain.

Kham hashuwa ka bor district West Jaintia Hills kala pynjari curfew haka shnong Sahsniang hadien ka jingjia lun maw iaki iing ki sem ki nongkyrshan UDP.