Shah lute ki kali kit kwai ha East Jaintia Hills, suba donkti ki nongialam sengbhalang

Syllad | The Rising MeghalayaAugust 24, 2020

Uwei u nongkhaii kwai ula mudui da ka jingujor ejahar pyrshah ia ki katto katne ngut ki briew kynthup ia ki katto katne ki nongialam sengbhalang kiba suba jur ban lute ia u kwai uba la kot haduh T.4.80 lak na Rymbai Sohpieng, East Jaintia Hills District.

Katkum ka ejahar kaba la mudui u George Ros Mingson Manner, ba na War Jaintia uba dei u trai kwai ula iathuh ba kane jingjia shah lute ki kali kit kwai jong u kala jia haka 19 tarik une u bnai haka por 10:30 Am ha ka jaka kaba la tip kum ka Rymbai Sohpieng.

U George ula kynnoh ba ki briew kiba ym lah ithuh kiba wan da kali rit 4-5 tylli bad kawei ka Bolero (ML-11-1876) kila pakhang lynti iaki kali kit kwai jong u (ki Bolero pick-up ba don ia u nomber ML 11 4038 bad ML-05 U 5059)  haka por ba ki thmu ban leit sha Umkiang. La kynnoh ba kine ki runar kila byrngem byrsit iaki nongniah kali jong u bad lute 60 byrni u kwai na kine ki ar tylli ki kali pick up ba shongdor T.4.80 lak.

Haka ejahar bala ujor une u nongkhaii kwai la kynnoh iaki ar lai ngut ki nongialam sengbhalang kiba donkti ha kane ka kam bad ki nongniah kali jong u ki ithuh iaka dur khmat jong kine ki briew kiba lute.

Halor kane ka jingjia ki Pulit jong ka Ladrymbai ki dang thwet iaki bad ka jingtohkit kala iaid shakhmat.