Shah ot pdot ka longkmie ha East Jaintia

Syllad | The Rising MeghalayaJanuary 25, 2020

KHLIEHRIAT: Kawei ka longkmie kala shah pynïap dusmon ha ki runar kiba ym lah satia ban ithuh da kaba shah ot pdot ha Khliehriat, East Jaiñtia Hills District.

Kane ka longkmie kaba shah pyniap dusmon kadei kaba la tip kum ka Rina Swer kaba shong ha Khliehriat East.

Ka thymmei khubor ka ïathuh ba kane ka jingjia kala jia hynnin ka miet sngi Palei ha ïing sah jong ka bad la ïathuh ba katkum ki dak ki shin ba kala shah khniot bad shah ot na ryngdang da ki kynja tiar  ba nep.

Halor kane ka jingjia ka jingtohkit ki pulit kala iaid shakhmat bad thwet ïaki runar ba donkti.