Shah ot pdot & shah dung ka longkmie hala u lok ha Iongkwang

Syllad | The Rising MeghalayaJuly 26, 2020

Kawei ka longkmie kala shitom jur hadien ba kala shah ot pdot bad shah dung hala u jong u lok haka shnong Iongkwang, kaba hap ha Elaka Shilliang Myntang, West Jaintia Hills District.

Kane ka jingjia kala jia haka 22 tarik haka por 7:30 pm ha ka iing sah jong ki ha Iongkwang bad iaka jingmudui ejahar la mudui haka sngi Saitjain ha Nartiang Police Station.

Kane ka longkmie kaba shah ot pdot bad shah dung dei kaba la tip kyrteng kum ka Naroi Langstang bad u lok jong ka u dei Ardabiang Suchiang.

Katkum ka jingmudui ejahar la ong ba une u Ardabiang Suchiang ula ot ia u pdot ka Naroi bad dung iaka naka bynta ka kpoh bad ka shitom jur bha bad ka don ha ICU ha Dr. Norman Tunnel Hospital, Jowai. La ong shuh shuh ba une u Ardabiang hadien bala dep leh ia kane ka kam ula byrngem byrsit ia baroh kiba haiing jong ka lok bad ula phet krad ialade.

Haduh bala thoh ia kane ka khubor ki Pulit kim pat ioh kem ia u Ardabiang Suchiang, uba phet rieh na ka bor jong ka aiñ.

Halor kane ka jingjia ka Hynñiewtrep Achik National Movement (HANM) kala pynrem jur ia u Ardabiang Suchiang u riew thrangsnam bad kyntu iaki bor pulit ban thwet ia une u briew bad ban pynshitom katkum ka kyndon jong ka aiñ.