Shah pom pyrthat 9 tylli ki masi

Syllad | The Rising MeghalayaSeptember 21, 2019

KHLIEHRIAT:  Haduh 9 tylli ki masi kila kyllon iap hadien ba kila shah pom pyrthat haka sngi Thohdieng haka shnong Lumshyrmit, East Jaintia Hills District.

Kane ka jingjia shah pom pyrthat kine ki masi kala jia haka por 1:30 baje nohphaisngi ha ka por ba kine ki masi ki bam phlang kham pajih na shnong. Ha kane ka jingjia kam don kano kano ka jingmynsaw ïaki briew wat la u pyrthat ula pom jur.

Baroh 9  tylli kine ki masi ki dei jong u Nowel Wapung ba na ka shnong Lumshyrmit, East Jaintia Hills District bad ka jingduh na kane ka iap kine masi kala kot kumba T.5 lak tam.