Shah pom pyrthat uwei u khynnah

Syllad | The Rising MeghalayaJuly 26, 2022

Uwei u khynnah uba dang 8 snem rta ula duh ei ïaka jingim hadien ba ula shah pom ha u pyrthat uba wan ryngkat bad u slap.

Kane ka la jia haka shnong Thangraiñ haka por kumba 2.00 baje nohphai sngi haka sngi Nyngkong.

U Waheh Shnong Thangraiñ u Ma Pyrkhat Sungoh ula ïathuh ba kane ka la jia katba une khynnah u dang mut ban leit buh ïaki dieng thang hapoh ka trep buh dieng thang kaba don mar syndah bad ka ïing sah jong u.

Une u khynnah dei ba la tip kyrteng kum u John Arphi Lamare khun jong ka Kong Phiarly Lamare bad Bah Mihsalan Biam.

Haba ïadei bad kane ka jingjia ka bor Shnong ryngkat kiba haïing ki la pyntip shaki bor jong ka aiñ.