Shah pyniap dusmon ka khynnah 14 snem haka shnong kaba hap ha Jowai Police Station

Syllad | The Rising MeghalayaDecember 13, 2020

Kawei ka khynnah 14 snem ka rta kala shah pyniap dusmon ha kawei ka shnong kaba hap hapoh ka Jowai Police Station.

Kane ka jingjia shah pyniap kane ka khynnah kala jia haka 12 tarik une u bnai haka por ba ka leit saitjain ha kawei ka wahduid bad iaka metiap jong ka la lap da la u jong u kpa.

La suba jur ba la pyniap ia kane ka khynnah dala u mama trai jong ka uba la thmu ban bat bor iaka la lai sien, iathuh ka tyllong khubor pulit kaba iohlum.

Halor kane ka jingjia ka kmie jong kane ka khynnah kala mudui ka jingujor ejahar.

Hadien kane ka jingjia u mama jong kane ka khynnah ula phet rieh naka bor jong ka aiñ bad ka jingthwet ia u da ki pulit kala iaid shakhmat.