Shah pyniap dusmon u heprit uba dang 10 snem rta ha ka shnong Umtangar, Ri Bhoi

Syllad | The Rising MeghalayaFebruary 21, 2024

Uwei u heprit uba dang 10 snem ula shah pyniap dusmon ha ki runar ki bym lah ban tip satia ha ka shnong Umtangar, Ri-Bhoi District,

Kane ka jingjia kaba sngew sangsot ka la jia ha kawei ka jaka khlaw kaba don hajan jong katei hi ka shnong.

Katkum ka khubor ba la ioh la ong ba katei ka jingjia ka la jia haka 18 tarik Rymphang bad ïa ka met jong u tei u heprit la lap haka sngi kaba bud ha ka por 7 baje ei ei janmiet.

Shuh shuh une u heprit udei uba la tip kyrteng kum u Kitborlang Marbaniang bad u dang pule ha ka class II ha kawei ka LP School ha ka Shnong Umlur, bad u dei u khun ba saw jong u bah Synshar Nonghyndah bad ka Kong Diona Marbaniang.

U Kpa jong utei u heprit u la ïathuh ba une u khun jong u, u la mih na la iing ha ka sngi Saitjaiñ ba la lah bad u khlem wanphai iing shuh.

Ia ka met la aiti sha kiba haiing hadien bala pyndep iaki jingdonkam jong ka aiñ.

Ia ka FIR la ujor ha Patharkhmah Police Station bad ka jingtohkit halor kane ka jingjia kala iaid shakhmat ban thwet iaki runar kiba donkti.