Shah pyniap dusmon u rangbah, lait thaw uwei ha ka kynhun runar ha khappud India Bangladesh
Ha ka jingjia kaba sngew shyrkhei, uwei u briew ula shah pyniap dusmon, katba uwei ula lait na ka tyrsim jong ka jingiap haka jingshah thombor haka kynhun runar tuh kwai kiba suba jur ba ki dei ki nong Bangladesh ha khappud India Bangladesh ha East Jaintia Hills District haka 6 tarik Kyllalyngkot.
Une u lanot ba shah pyniap dusmon u dei uba la tip kyrteng kum Chiang Dhar antad kumba 50 snem eiei, katba uba lait im pat u dei u ba tip kum u Rahul Pohtam. U Chiang Dhar udei uba na ka shnong Umkiang bad u Rahul u dei na ka shnong Lumsoski.
Ka tyllong ka khubor kaba iohlum ka iathuh ba kane ka jingjia kala jia haka por nohphaisngi ha kaba ka kynhun runar ba suba jur na Bangladesh kiba don kumba 15-16 ngut kila thombor ia kine ki arngut ha kawei ka bri kwai ha Lumsoski, ka shnong kaba jngai tang katto katne Kilometre na Umkiang.
La iathuh hadien bala ioh jingtip ia kane ka jingjia, ki nongshong shnong na Umkiang bad ki Pulit ka Umkiang kila hiar sha kane ka bri kwai ban shimti iaka met.
La iathuh ba katkum ki dak ki shin, une u Chiang ula shah pom da ki kynja wait na ka bynta ka kti, ryngdang bad kiwei kiwei ki bynta ka met bad ula khlad hapdeng ka jinglyngkien ka snam.
Featured Image by Kai from Pixabay
Facebook
Instagram
Youtube
Twitter
Leave a Reply