Shah pyniap ka longkmie hala u jong u lok

Syllad | The Rising MeghalayaFebruary 19, 2019

JOWAI: Kawei ka longkmie kaba la tip kyrteng kum ka Tipshwa Suchiang 38 snem rta la suba ba ka la shah pyniap hala u jong u lok uba kyrteng u Adifine Law 37 snem rta ba na Umsalait, Iooksi.

Katei ka jingjia ka la jia haka 16 tarik haka ïing sah jong ki haka shnong Iooksi, West Jaiñtia Hills District.

Ki pulit marsien ïoh jingtip kila leit ban shimti ïaka metiap bad pynkit sha Jowai Civil Hospital, Ialong ban pyndep ïaka Post mortem, hynrei na kadaw jong ka bym don u SDM & HO ha Jowai la pyndep ïaka Post mortem haka sngi ba bud.

Ki pulit kila kem noh ïa u lok ka Tipshwa bad kila ïoh kurup ruh iaka wait ba bit snam na katei ka iing. Ki Pulit kila dep register iaka case bad la pyngngat ïa u haka kyndon 302 IPC bad ka jingtohkit pyrshah ia u Adifine kala iaid shakhmat