Shah pyniap ka longkmie hala u lok ha East Jaintia Hills

Syllad | The Rising MeghalayaJuly 1, 2022

Kawei ka longkmie kaba la tip kum ka The Siangshai la kynnoh ba kala shah pyniap hala u jong u lok ha ïingsah jong ka ha ka shnong Jalyiah, East Jaintia Hills District.

Kane ka jingjia kala jia haka sngi Palei.

Ia ka metiap jong kane ka longkmie la lap ba sdien ha u tyllai phasi. La kynnoh ba u lok kane ka longkmie u ba tip kum u Plom Dkhar na kane hi ka juh ka shnong ula dep pyniap shuwa iaka bad sdien iaka ha u tyllai phasi.

Kane ka longkmie ka dei kaba don 10 ngut ki khun iwei i dei iba dang 2 snem tam.

Halor kane ka jingjia kiba haiing kila dep mudui iaka jingujor ejahar ha Ladrymbai Police Outpost bad ka jingtohkit halor kane ka jingjia kala iaid shakhmat.

Haduh bala thoh iaka khubor ym pat ioh kem satia ia u Plom Dkhar.

Ia kaba sah kane ka longkmie la pyndep mynta ka sngi Thohdieng hadien bala pyndep iaki jingdonkam jong ka aiñ.

Shuh shuh na kaliang ka Sengkur Phawa Siangshai kala pynrem jur ia kane jingjia shah pyniap kane ka longkmie hala u jong u lok bad kyntu ia ki bor jong ka aiñ ban kem mardor ia u Plom Dkhar bad ban pynshitom katkum ki kyndon jong ka aiñ.