Shah pyniap panah hala u jong khun nah ha Mookyndur

Syllad | The Rising MeghalayaMarch 17, 2023

Uwei u briew uba la tip kyrteng kum Olino Rymbai uba na ka shnong Madur la kynnoh ba ula shah pyniap hala u jong u khun nah haka shnong Mookyndur, West Jaintia Hills District.

Kane ka jingjia shah pyniap u Olino kala jia haka por kumba 11 baje eiei haka miet sngi Palei ha kawei ka iing tyngkong hajan ka view point haka shnong Mookyndur.

Ka khubor kaba iohlum, ki pulit ruh kila ioh jingtip halor kane ka jingjia hynne ka sngi Thohdieng na ki nongshong shnong ka Mookyndur ba don ka metiap ha ka iing jong ka Mailin Shylla, kaba dei ka lok jong u Olino.

Ki pulit jong ka Ummulong Beat House mar mar kila hiar sha kane ïing haka jingiadonlang ki nongshong shnong. La iathuh ba kane ka iing dei kaba la khang bad hadien bala plie la lap iaka metiap u Olino Rymbai ba thiah lyngktar hapdeng ka jinglyngkien daka snam haki lyntang ba siang madan na ka bynta ka khlieh.

La iathuh ba la pyniap ia u Olino da la u jong u khun nah uba la tip kyrteng kum u Hamkom Shylla uba 20 snem eiei ka rta.

Ka khubor iathuh ba u Hamkom ula phla ba u pa nah (Olino) jong u man ka por ula byrngem pyniap ia u bad iaka kmie jong u. Hynnin ka miet ruh ula byrngem byrsit biang. La iathuh ba hynnin ka miet baroh ar ngut ka kmie bad u kpa nah jong u kila shoh khaw yiang bad la mih ka jinghuri hura hapdeng jong ki.

U Hamkom ula phla ba haka jingbitar ula sei ia sdie ba don sum (pickaxe) uba don ha iing bad ula dung iala u kpa naka bynta ka shadem. Hadien ba u Olino ula kyllon ula dung biang na ka bynta ka ryngdang bad ula khlad noh hajuh.

La iathuh ba une u khunnah u Olino ula ialam iaka kmie jong ka Mailin Shylla bad sah miet ha ka iing kiba iing jong ki haka shnong Mookyndur hi.

Ki Pulit kila shimti iaka met la pynkit noh sha Jowai Civil Hospital Ialong ban pyndep iaki jingdonkam jong ka aiñ.

Ki Pulit kila kem noh ia u Hamkom bad kila shimti ruh ia u sdie uba ula buhrieh ha ka iing kiba haiing jong u. Katba ka kmie ki pulit kim lap satia iaka bad ka jingtohkit halor kane ka jingjia kala iaid shakhmat.