Shah pyniap uwei ha ki briew bym ithuh ha Moosdai

Syllad | The Rising MeghalayaMarch 14, 2024

Uwei u briew ula shah pyniap dusmon ha ki briew kiba ym lah satia ban ithuh ha West Jaintia Hills District.

Une u ba suba shah pyniap u dei u Kyrshandame Talang 29 snem ka rta.

Katkum ka jingmudui ejahar kaba la ujor haki pulit ka Ummulong Beat House, ka kmie jong u Kyrshandame, ka Kong Lakmon Talang kaba shnong Mupliang, kala pyntip ba u khun jong ka (L) Kyrshandame Talang 29 snem ka rta ula shah pyniap dusmon ha ki birew kiba ym lah satia ban ithuh.

Kala iathuh ba kane ka jingjia kala jia haka kawei ka jaka kaba la tip kum ka Moosdai ka jaka kaba hap ha khappud ka shnong Myrjai bad Mukhla

Katkum ka ejahar kala ong ba u khun jong u Kyrshandame haka 10 tarik Lber, ula iadih kyiad bad ki paralok ha kawei ka dukan ha Moosdai. La ong ba ula mih shuwa marwei khlem iathuh iaki paralok.

Dei hadien 2 sngi la lap iaka metiap jong u kaba la thiah lyngktar lyngkhuid kaba jngai kumba 500 metre na dukan kyiad.

Halor kane ka jingjia na kaliang ka kmie kala kyrpad jur ia ki pulit ban tohkit bniah halor kane ka jingjia.

Nakaliang ka seng HNYF Thadlaskein circle bad ka Dorbor shnong Myrjai kala pynrem jur halor kane ka jingjia bad phah ruh iaka jingsngewlem sha kiba haiing u Kyrshandame.