Shah pyniap uwei ha West Jaintia Hills

Syllad | The Rising MeghalayaFebruary 4, 2021

Uwei u bar jylla uba la tip kyrteng kum u Ashutus Kumar ula shah pyniap ha ki briew kiba ym lah satia ban ithuh ha Lad Pasyih, kaba hap ha Phramer Traffic Cell, West Jaintia Hills.

Ka khubor kaba iohlum ba u trai iing ba shongwai une u bar jylla u ma Karbar Tyngkan ula mudui da ka jingujor ejahar ha khmat ki pulit Phramer haka sngi Palei ba u Ashutus Kumar ula khang iaka iing sah jong u na shapoh bad um plie satia iaka iing. Kiba ha ïing jong une u bar jylla ruh ki suba sniew halor kane namar ba ka phone jong u ruh ka switch off.

Ki Pulit ka Phramer mar mar kila pyntip sha Crime Scene Unit (CSU), Shillong.

Haba la wan poi ka kynhun jong ki CSU kila lap ba une u briew ula thiah iap lyngktar ha jingthiah. Ki don ki dak ki shin ba ula shah dung haka bynta ka shadem, khlieh bad ka khohsiew.

Ka CSU kala pyndep ia baroh ki jingdonkam jong ka aiñ bad pynlong ruh iaka jingtohkit bad la rah iaka metiap jong u Kumar sha Ialong Civil Hospital ban pyndep iaka post mortem lashai ka sngi.