Shah pyniap uwei haka shnong Barato, iohkem arngut wan pyndem uwei

Syllad | The Rising MeghalayaJanuary 9, 2024

Ar ngut ki briew kiba suba pyniap ia u Shanbormi Lamare naka shnong Barato A Pynthor kila shah kem noh ha ki pulit na Rymbai Road, East Jaintia Hills, katba uwei na ki suba ula wan pyndem hi dalade ha khmat ki pulit ha ka 9 tarik Kyllalyngkot.

Kane ka jingjia shah pyniap u Shanbormi Lamare (25 snem ka rta) u lok jong ka Meris Lyngdoh kala jia haka 7 tarik Kyllalyngkot haka shnong Barato. Ki Pulit kila shimti iaka metiap bad pyndep iaka jingdonkam ka aiñ ha Jowai Civil Hospital.

Ka khubor pulit ka iathuh ba ha kane ka jingjia shah pyniap ki don lai ngut ki suba bad la ithuh iaki, hynrei kila phet rieh na ka bor jong ka aiñ. Kumta ki pulit kila register iaka case bad kila thwet ia kine ki suba donkti.

Haba pynlong iaka jingthwet ia kine ki suba ha kine ar sngi, ki pulit kila ioh ksai iaka jaka rieh jong ki bad kila buddien bad iohkem shuwa ar ngut kiba kynthup ia Jar I Dkhar (31 snem), Deibormi Dhar (18 snem) na ka jaka rieh jong ki ha Rymbai Road, East Jaintia Hills District. Baroh ar ngut ki dei na ka shnong Barato.

Uwei pat u suba u dei Wanjopmi Talang (24 snem), uba na ka shnong Khliehsngirang, West Jaintia Hills District ula wan pyndem dalade ha khmat ki pulit Jowai Police Station.