Shah pynkynriah kam u SP ka EKH ha ka jingbhah kam thymmai, wanphai u Bah Sylvester

Syllad | The Rising MeghalayaJune 15, 2024

Ka Tnat kam Pohiing (Police) ka la bhah kam thymmai ia ki heh pulit ka Jylla da kaba pynkynriah kam noh ia u Superintendent of Police (SP) ka East Khasi Hills, u Rituraj Ravi sha ka 6th MLP Battalion kaba don ha Umran, Ri-Bhoi District bad wanrah biang ia u SP barim u Bah Sylvester Nongtnger ban shimti biang kum u SP ka EKH, kata da kaba pynkynriah noh ia u na ka kam Commandant ka 6th MLP Battalion, Umran kaba la leit shimti da u Ravi.

Ha kane ka jingpynkynriah kam u Mukesh Kumar Singh IPS, uba bat kum u IGP (L&O), Shillong ula shah pynkynriah kum u IPG-Commandant General, ka Civil Defence & Home Guards. U Jerry F.K Marak, IPS u la shah pynkynriah kum u Commandant, 2nd MLP Bn, Goeragre, West Garo Hills, Tura ha ka jaka jong u Bah Banshanborlang J Laloo, MPS u ban wan shimti kum u Commandant ka SF-10, Shillong.

U Herbert G Lyngdoh, Superintendent of Police, Anti-Infiltration Directorate, Shillong u la shah pynkynriah kum u Commandant ka 1st MLP Bn, Mawiong ha ka jaka jong u Swapnil Vasantrao, IPS bad ha ka jaka jong u Bah Herbert la shimt da ka Mary GT Sangma kaba la shah pynkynriah na ka kam Principal ka Police Training School, Umran.

Katba u Bah Vivek Syiem IPS uba dei u Superintendent of Police, CID, Shillong u la shah pynkynriah kum u Asstt Inspector General of Police (L&O), Shillong, ha ka jaka jong u N Subhash Singh, MPS. U Bah Lakador Syiem IPS Commandant, 4th MLP Bn, Sohpian u la shah pynkynriah sha ka kam Principal, Police Training School, Umran.

U Dr Dara Aswaghosh, IPS (RR 2018), Superintendent of Police, West Garo Hills, Tura u la shah pynkynriah kum u SP (City), Shillong ha ka jaka jong u Pankaj Kumar Rasgania u ban leit shimti mynta kum u SP ka Sadar, Shillong. U Pawar Swapnil Vasantrao, IPS   Commandant, 1st MLP Bn, Mawiong u la shah pynkynriah bad shah thung kum u Superintendent of Police, North Garo Hills District, Resubelpara. U Abraham T. Superintendent of Police, North Garo Hills, Resubelpara u la shah pynkynriah bad shimti kum u Superintendent of Police, West Garo Hills, Tura.

Kumjuh u Ringrang T G. Momin, MPS, Superintendent of Police, F&ES, Tura, u la shah pynkynriah kum u Superintendent of Police, CID, Shillong. U Bruno A Sangma, MPS, Commandant, SF-10, Shillong u la shah pynkynriah kum u Superintendent of Police, F&ES, Tura. U Rupam R. Marak, MPS, Superintendent of Police (Security), Shillong ula shah pynkynriah bad shah thung kum u Commandant, 4th MLP Bn, Sohpian.

U N Subhash Singh, MPS, Asstt. Inspector General of Police (L&0), Shillong u la shah pynkynriah kum u Superintendent of Police(R/PR), Shillong.  U Bah Losterwell Nongpluh, MPS, Superintendent of Police, SB-II, Shillong ula shah pynkynriah bad shah thung kum u Superintendent of Police (Security), Shillong.  U Feroz Rehaman, MPS, Deputy Commandant, 5th MLP Bn, Samanda, East Garo Hills District, Williamnagar la shah ba un dang bteng ban bat ia ka kam nalor ka jingpynkynriah kum u Superintendent of Police (Traffic), Tura.

U Torid D. Sangma, MPS, Addl. Superintendent of Police, South West Garo Hills, Ampati la ailad ba un dang bteng ban bat ia ka kam bad shah pynkynriah kum u Asstt. Inspector General of Police (E), Shillong. U Marlon SH.Nonghuloo, MPS, Deputy Commandant, 3rd MLP Bn, Khliehtyrshi la shah ba un bteng ban bat ia ka kam bad shah pynkynriah kum u Superintendent of Police, SB-II, Shillong.

Kumjuh u Stanislaus A. Marak, MPS, Addl. Superintendent of Police, Resubelpara la shah ba un bat ia ka kam bad shah pynkynriah kum u Superintendent of Police (Eastern Range).