Shah pynkynriah kam u Vivek Syiem SP (City) ha ka sien kaba san na EKH

Syllad | The Rising MeghalayaFebruary 13, 2024

Shwa ka jingpynlong ia ka MP Lok Sabha ilekshon ha kine ki khyndiat bnai ki ban wan, na ka liang ka Sorkar jylla ka la pynkynriah kam ia ki heh pulit jylla ha kaba u IPS ophisar u Vivek Syiem u la shah pynkynriah noh na ka kam kaba u bat mynta kum u SP (City) ka East Khasi Hills ha ka sien kaba san napoh ka district, kata kaba hadien eh ka long dang kumba shi snem mynta.

Katkum ka jingpynbna kaba la pynmih haka 13 tarik Rymphang, u Bah Vivek Syiem un leit ban shimti kum u Superintendent of Police, CID, Meghalaya, Shillong, kata ha ka jaka jong u Pankaj Kumar Rasgania u ban shimti  noh kum u SP (City) ka East Khasi Hills.

Ha ryngkat u Vivek Syiem, u Bah Sylvester Nongtnger, IPS (SPS 2012) uba bat kum u Superintendent of Police, East Khasi Hills District, Shillong u la shah pynkynriah noh kum u Commandant, 6th MLP Bn, Umran, bad u Rituraj Ravi, IPS kum u SP ka EKH.

U Dr Dara Aswaghosh, IPS(RR 2018), Commandant, 2nd MLP Bn, Goeragre, West Garo Hills, Tura un shimti kum u SP ka West Garo Hills District, Tura bad ha ka jaka jong u yn shimti da u Abraham T. Sangma, MPS.

U Banteilang Kharjana, MPS, Deputy Commandant, 5th MLP Bn, Samanda, East Garo Hills District un shimti kum u Additional Superintendent of Police, South West Khasi Hills District, Mawkyrwat.

Nalor kata u Bah Spearsing Paslein, MPS, Deputy SP (Hq) Ri-Bhoi ula shah pynkynriah kum u DySP (Hq) ka East Jaintia Hills District.

Kumjuh u Anthony Ch Momin, MPS, DySP (Hq) ka East Garo Hills un shimti mynta kum u Sub Divisonal Police Officer ka Chokpot, South Garo Hills bad un ia bujli bad u John Clitzer A Sangma, MPS u ban shimti mynta kum u DySP (Hq) ka North Garo Hills.

U Krison R Marak, MPS, DySP (Hq) ka West Garo Hills un shimti mynta kum u DySP (Hq) ka East Garo Hills bad  bujli ia kane ka kam bad u Anthony Ch Momin, MPS.

Sylvester Raksam Marak, MPS, Deputy Superintendent of Police (Hqr), North Garo Hills District, Resubelpara ula shah pynkynriah kum u Assistant Commandant, 2nd MLP Bn, Goeragre, West Garo Hills.

Shuh shuh u  Bah Jeffry W Sooting, MPS, uba bat kum u Dy SP (City) ka Shillong ula shah pynkynriah kum u Sub-Divisional Police Officer ka Mawshynrut ha ka jaka jong u Isaac S Marak, MPS u ban shimti mynta kum u DySP (Hq) ka East Khasi Hills Shillong.