Shah pynkynriah saw ngut ki Deputy Commissioner, yn shimti ka kong Isawanda kum ka DC Shillong

Syllad | The Rising MeghalayaSeptember 2, 2020

Ka Sorkar Jylla mynta ka sngi kala pynkynriah kam ia saw ngut ki Deputy Commissioner (DC) bad kine ki kynthup ïaka DC East Khasi Hills, South West Khasi Hills, u DC East Jaintia Hills bad North Garo Hills.

Katkum ka jingpynbna ba ka DC East Khasi Hills, ka kong Matsiewdor War Nongbri IAS, la pynkynriah iaka na ka kam DC Shillong bad kan shimti iaka kam Secretary to the Govt. of Meghalaya, Information & Public Relations Department bad iaka jaka jong ka yn shimti noh da ka kong Isawanda Laloo, IAS ka DC jong ka South West Khasi Hills.

U DC jong ka East Jaintia Hills District, Khliehriat bah FM Dopth ula shah pynkynriah naka kam DC bad un shimti noh iaka kam Secretary to the Govt. of Meghalaya, Department of Textiles .

Haka jaka jong u Bah Dopth la thung da u bah E. Kharmalki, IAS, uba bat iaka  kam Secretary to the Govt. of Meghalaya, Urban Affairs Department, Director, Urban Affairs, Director, Meghalaya Urban Development Agency and Trade Adviser & Director Movement, Kolkata.

Ha South West Khasi Hills pat haka jaka jong ka kong Isawanda la thung da ka kong C. Kharkongor, IAS, bad la pyllait noh ia ka naka kam Secretary to the Govt. of Meghalaya Social Welfare Department bad kiwei.

U DC North Garo Hills, Resubelpara, u SC Sadhu la pynkynriah ia u naka kam DC bad un shimti iaka kam Director, Community & Rural Development  bad haka jaka jong u yn shimti da u R.P. Marak, MCS uba long u Additional Chief Electoral Officer, Meghalaya and Joint Secretary to the Govt. of Meghalaya, Election Department un shimti iaka kam DC Resubelpara.