Shah shet ka JAC ha ki kharkhana dewbilat, khlem treikam ka dor bai kit thymmai

Syllad | The Rising MeghalayaOctober 22, 2020

Ka jingong ki kharkhana dewbilat ba ka sorkar MDA ka don shaka liang jong ki kharkhana kala lah ban dei kaba shisha namar ba ki kharkhana dewbilat ki dang leh bymsuidniew ban pyntreikam ia ka bai kit dewbilat thymmai iaki trok.

Ka Joint Action Committee (JAC) kaba kynthup Jaintia Hills Truck Owners and Driver Association (JHTOA), Meghalaya Truckers Union (MTU) bad ka All Jaintia Hills Clinkers and Cement Association (AJHCCA) hadien ka jingpynbna ka sorkar iaka dor thymmai haka 25 tarik Nailur kila dap da ka jingkmen bad haka 17 tarik une u bnai haka jingialang kaba long ha Phramer kila rai da ka wei ka sur ban pdiang iaka dor kaba thymmai, phewse kala jia mar khongpong.

Ka sorkar lyngba ka tnad transport hadien ka jingialang kaba la bun bun sien hapdeng ka JAC, Jaintia Hills Cement Manufacturer Association (JHCMA) kaba ka jingiakren kala poi ruh wat hadpeng u Myntri Rangbah bad u Myntri Transport u Conrad K Sangma bad u Sniawbhalang kala pynmih iaka dor bai kit ba thymmai haka 25 tarik u Nailur.

La pyndam iaka jingpynbna 13 Kyllalyngkot 2020 bad la ai iaka dor thymmai kaba la mynjur da ki arliang mamla ka JAC bad ka JHCMA kata T.7 haduh T.11 na ka T.9 shiton kilometre shiton haki surok rong, T.8-12 naka T10 shiton  shi kilometre ha ki surok maw bad T.10-12 naka T.12 shiton shi kilometre ha ki surok khyndew.

Ka JAC hadien ka jingialang ha Phramer haka 20 tarik une u bnai kala hap ban iakynduh ia u Deputy Commissioner, East Jaintia Hills ban kyrpad ia u ban bthah iaki kharkhana dewbilat ban pyntreikam iaka dor thymmai kaba ka Central Motor Vehicles  Act 1988 Section 67 ka ai bor iaka sorkar jylla ban buh iak dor bai kit bai bah.

Pdiang ka JAC ia ka bai kali thymmai ban kit dewbilat

Ka JAC kala byrngem ba lada ki kharkhana dewbilat kim pyntreikam iaka dor bai kit thymmai hapoh 31 tarik une u bnai kin bteng biang iaka jingiakhih paidbah kaba khlem buh por.