Shah thang ka khyrdop ILP ka KSU ha Ri Bhoi

Syllad | The Rising MeghalayaJuly 9, 2024

Ka khyrdop Inner Line Permit (ILP) ba la pynieng da ka Khasi Student Union (KSU) na ka bynta ban talasi ia ki kot ki sla jong ki bar jylla ka la shah pynpra bad shah thang noh hynne ka step 9 tarik Naitung.

Lah ban kdew ba ha ka 6 tarik mynta u bnai ka KSU ka la pynieng ia katei ka khyrdop ha 20 mer Pahammawleiñ na ka bynta ban talasi ia ki kot ki sla jong ki bar jylla kiba thmu ban rung sahuh shapoh ka jylla, bad ha katei ka sngi ki nongialam bad ki dkhot ka KSU ki la iathuh ba tang hapoh katto katne kynta ba la pynlong ia ka jingtalasi ki la ioh ban bat bad pynphai noh da ki spah ngut ki bar jylla ki bym don satia ia ki kot ki sla ki ba biang.

Ka KSU ka la shim ia kane ka sienjam ban leit pynieng hi ia da ka khyrdop talasi namar ka jingiai leh mynthi jong ka sorkar Pdeng ban pynioh noh mardor ia ka ILP bad namar ka jingpynslem jong ka sorkar jylla ban pyntreikam ia ka Meghalaya Resident Security and Safety Act (MRSSA).