Shah thombor ki nongkyrshan ka UDP haki NPP julor ki ïing bad kali

Syllad | The Rising MeghalayaMarch 2, 2019

JOWAI: Ki Paidbah nongkyrshan jong ka United Democratic Party (UDP) kila shah thombor da kaba shah lun maw ki ïing ki sem bad shah pynjulor ki kali haka kynhun jong ki nongkyrshan ka National People’s Party (NPP) ha ka shnong Mowkaiaw, kiba la khie bitar halor ka jingshah rem u kyrtong ka NPP uba shong ba sah ha Mowkaiaw.

Ha kane ka jingjia haduh 13 tylli ki ïing kila shah pynjulor naka jingshah lun maw na ki jingkhang bad ki tnum ïing. Nalor ki ïing la shah pynjulor lai tylli ki Kali maruti alto, car bad ka pickup bolero.

Ki pulit marsien jia kane ka jingjia kila hiar sha katei ka thaiñ ryngkat bad u Executive Magistrate u Bah F Basan. Kham hadien la wan sha u Superintendent of Police West Jaiñtia Hills District Bah Lakador Syiem bad la bthah ïaki nongshong shnong ban tem ïaka jingkynad.

Ha ka result jong ka Mowkaiaw Constituency, u Ma Winning Garland Sungoh kyrtong UDP uba ïakhun para marwei bad u kyrtong NPP u Heirtami Suting ula jop da 576 vote.

U Winning ula ioh vote 4323, katba u Heirtami 3747. Na Mowkaiaw u Winning ula ïoh vote 310 bad namar ka jingshah rem noh u kyrtong NPP ki nongshong shong ka Mowkaiaw kiba ju ioh MDC, hynrei ha kane ka kynti la ar samoi kila duh MDC kala pynlong ïaki katto katne ki runar ban shim ïaka aiñ halade.