Shah thombor u nongniah kali jong ka kotkhubor Meghalaya Guardian ha surok bah NH-6
Ka kynhun ki runar bym lah ban tip hynne ka step sngi ba Ar, kila thombor ia u nongniah kali jong ka kot Khubor Meghalaya Guardian ha surok bah National Highway-6 ha Umling, Ri Bhoi District katba ka dang don ha ka lynti ban wan pynpoi ia ki kotkhubor sha ka nongbah Shillong.
Kane ka jingjia la ong ba ka la jia ha ka por kumba 5 baje mynstep hadien ba ki la don kumba sawngut ki runar ki ba la wan ban thombor ia u nongniah jong ka kali kaba la pynlong ia u ba un ngat ha ka jingmynsaw kaba malu mala bad ka jingshah knieh noh ka mobile phone nalor ka pisa.
![](https://www.syllad.com/wp-content/uploads/2024/09/JIT-Vacancy-823x1024.avif)
Kane ka kali kaba la ngat ha kane ka jingjia ka dei kaba don ia u registration number AS 01 JC 9434 ba la niah da u Biren Boro uba ju pynpoi man ka sngi ia ki kotkhubor sha Shillong. Hynrei, ha katei ka step u Boro u la ngat pynban ha katei ka apot ha ki kti jong ki riew runar.
Hadien ba la leh ia kane ka kam thombor kine ki runar la ong ba ki la phet krad noh na katei ka jaka bad kaba la pynlong ia u Boro ba un pyntip noh ia kane ka jingjia hapoh Nongpoh police station.
Halor kane ka jingjia la ujor ruh da ka ejahar bad ka jingpyrshang jong ki pulit ban ioh kem ia kine ki runar kiba donkti ka la iaid shakhmat.
Leave a Reply