Shah tuh ka thuk thuk ba pynieng hakhmat khyrdop ka ka skul Little Flower Malki

Syllad | The Rising MeghalayaDecember 5, 2023

U Superintendent of Police ka EKH, Shillong, u Bah S Nongtnger IPS u pyntip ba ha ka 30 tarik u bnai ba la dep ki la ioh pdiang ia ka jingujor FIR hapoh Laitumkhrah PS halor ka jingshah tuh noh jong kawei ka thuk thuk kaba pynieng hakhmat ka khyrdop jong ka skul Litte Flower ha Kharmalki, Malki Shillong.

Katkum ka jingujor la ong ba kane ka thuk thuk Yamaha R15V3 rong iong kaba don ia u Registation No. ML05 V 6330 kaba dei trai da u Bah Ivan Nongkynrih na Malki, Shillong ka la shah tuh noh ha ka 29.11.2023 katba u dang pynieng hakhmat ka khyrdop jong katei ka skul.

Ia kane ka jingjia la lap hadien ba une u trai u la khie ha step kaba bud ha kaba u la shem ba ka thuk thuk jong u kaba u pynieng ha kane ka jaka kam don shuh.

Halor kane ka jingjia la rejistar case hapoh Laitumkhrah PS bad ka jingtohkit ka la iaid shakhmat.