Shah weng kam president AJCCTA u Balen Thubru

Syllad | The Rising MeghalayaOctober 18, 2021

U Ma Balen Thubru uba long uwei na ki nongialam ba pawkhmat jong ki trai trok ula shah weng kam noh naka kyrdan president jong ka All Jaintia Hills Cement and Clinker Transporters Association (AJCCTA) naduh ka 12 tarik une u bnai.

U Kyrshan Dkhar, uba la long u secretary ka AJCCTA uba la shah jied ban long kum u acting president ula kynnoh ba u Balen Thurbu ula iaid lait iaki kyndon treikam ka AJCCTA bad ula pynlong jingialang jied nongkitkam khlem ka jingtip ki dkhot baroh haka 2 tarik une u bnai.

U Ma Kyrshan ula ong ruh ba marsien tip iaka jingjied nongkitkam sop sop u ma Balen, ula khot iaka jingialang kyrkieh haka 12 tarik une u bnai ha Jowai kaba la iadonlang ruh u ma Balen. Ha kane ka jingialang da kawei ka sur la rai ban weng kam president ia u Balen.

Ha kane ka jingialang ka AJCCTA kala jied syndon da u acting president ia u Kyrshan Dkhar bad acting secretary Shaphrang Pajuh.

Shuh shuh ha kane ka jingialang la rai ban khot iaka jingialang jied nongkitkam haka 19 tarik une u bnai ha Hynniawmer.