Shen yn iakynduh ki Committee ka Meghalaya, Assam ban iakren halor ka Langpih Sector

Syllad | The Rising MeghalayaDecember 21, 2024

U Chairman ka Regional Committee ka West Khasi Hills uba dei ruh u Myntri Sorkar u Bah Paul Lyngdoh u la ong ba u la iakren bad u Chairman ka Committee na Assam na ka bynta ban bteng biang ia ia ka jingiakren ha kaba iadei bad ka Langpih Sector kaba dei kawei na ki hynriew tylli ki jaka iakajia kiba dang hap ban ia pynbeit hapdeng ka Meghalaya bad Assam.

Haba kren sha ki lad pathai khubor u Bah Paul u la ong, “Nga kwah ban pyntip sha phi ba ngi halor ki jingshisha ba ngi la dep ban pynpaw ia ki jingsngew jong ngi sha ka Committee ka Assam.”

Ha ka kyrdan ki DC, u DC ka West Khasi Hills u la iakren bad u DC ka Kampur District. Na ka liang jong nga ruh nga la iakren bad u Chairman Patowari. Haduh mynta hi ka jingmih kam da long kaba pynioh mynsiem.

“Hynrei, ngi kwah ba ka jingiakren kan dang iai bteng bad kyrmen ba ngin sa ioh ia ka lad ban iakynduh shen,” u la bynrap.

Pynkhreh ka Regional Committee ka WJH ban aiti ia ka kaiphod pynbeit pud hapoh ka ar bnai