Shen yn iakynduh ki Regional Committee halor ka kam pynbeit pud ka Meghalaya, Assam

Syllad | The Rising MeghalayaJuly 13, 2024

U Symbud Myntri Rangbah ka Jylla uba khmih ia ka tnad Urban Affairs u Bah Sniawbhalang Dhar ha ka 12 tarik Naitung u la pyntip ba ki Regional Committee jong ka Jylla Meghalaya bad Assam kin sa iakynduh lang shen ban bteng ia ka jingiakren halor ki kam iakajia bad pynbeit pud.

Haba kren sha ki lad pathai khubor, u Bah Sniawbhalang Dhar uba dei ruh u Chairman ka Regional Committee jong ka West Jaintia Hills District, ula ong “Ngin pyrshang katba lah ban iakynduh noh kham kloi (kum ki Regional Committee na ka Meghalaya bad Assam).”

Nalor kata u la ong ruh ba ka jingleit jurip lang ia ki jaka kiba don hapdeng ki jngiakajia lah ban leh ha ka kyrdan jong ki Myntri Rangbah.

Ka jingaiti ia ka kaiphot da ki laitylli ki Regional Committee halor ki kam pynbeit ia ki pud ki samla sha ka Sorkar Jylla la pynjlan shaduh ka 30 tarik u Nailur u ban wan.

Ia kane la pyntip lyngba ka jingpynbna ba la pynmih da ka tnad Home (Political) Department ha ka 10 tarik mynta u bnai.