Shen yn pynbna ka Sorkar halor ka rai ban seng ia 3 tylli ki Medical College ha Jylla

Syllad | The Rising MeghalayaAugust 23, 2023

U Myntri Rangbah ka Jylla, u  Conrad K Sangma u la ong ba na ka liang ka sorkar kala pynkhreh ban shim ia ki rai na ka bynta ban seng ia lai tylli ki Medical College hapoh ka Jylla, kata ia kaba yn sa pynbna ha ka jingialang ka kynhun myntri ha ka sngi Thohdieng ka ban wan.

U CM u la ong ruh ba ka jingpynkhreh halor kane ka jingthmu ka la iaid shakhmat mynta la bun bun bnai, hynrei kin sa pynbna ia ka rai kaba kongsan bha ha katei ka jingialang ka kynhun myntri.

Halor ka jingkylli u CM Conrad Sangma u la ong ba ka dei ka polisi kaba don ha kylleng ka ri.Kino kino ki jylla kiba don iala ki jong ki medical college kim ioh satia ia ka bhah ha kiwei pat ki college, bad kata ka dei barabor ka jingiashim ia ai.Kumta ngin u la ong ba kin shim ia kane ka rai kaba kongsan ha katei ka jingialang.

Shuh shuh u la ong ruh ba kin sa khmih halor kumno ka kam kan iaid bad ha kajuh ka por ia ka pisa ba dei ban pynlut bad ka rukom treikam ka ban sa wan.U la ong ruh ba da ka jingpyndep ia kine ki 3 tylli ki Medical College yn lah pynmih kham bun shuh shuh ki doktor haba ia nujor bad na kaei kaba long mynta.