Shen yn sdang ka kam tih dewiong stad saian, 4 tylli ki aplikeshon ap iaka EC

Syllad | The Rising MeghalayaFebruary 16, 2024

U Lat ka Jylla u Phagu Chauhan haka 16 tarik u Rymphang, ula ong ba ka Sorkar Jylla ka la shim ki sienjam ban pynthikna ba kam tih dewïong kanlong katkum ka jingstad science ne scientific mining.

Haba kren haka sngi sdang ïa ka Dorbar Mang Tyngka jong ka jylla, u Chauhan u la ong ba ka Ministry of Coal kala ai jingbit 17 tylli ki aplikeshon ban ïoh ïa ka licence tih dewïong.

Napdeng kine ki 17 tylli ki aplikeshon, 6 tylli ki dei kiba la phah ruh iaka geological report kaba ïadei bad ka jaka ban tih dewiong sha ka sorkar pdeng.

U la ong ruh saw tylli ki aplikeshon kila ïoh jingbit naka Ministry of Coal bad ki dang ap ban ioh iaka evironmental clearance (EC).

“Da kine kiei kiei baroh, la khmih lynti ba shen yn sa sdang noh ka jingtih dewïong ha ka jylla katkum ka jingstad scienc,” la ong u Lat.