Shen yn sdang ka lympung ïalehkai ki shakri sorkar

Syllad | The Rising MeghalayaMay 6, 2019

JOWAI: Ka lympung ïalehkai jong ki shakri sorkar kaba la tip kum ka “9th U Kiang Nangbah Inter-Office Open Badminton & Carrom Board Championship” kaba pyniaid da ka Meghalaya State Government Employees Federation (MSGEF) Jaintia Hills Unit  kan long ha une u bnai ha Indoor Hall ka shnong Dulong bad ka ophis jong ka MSGEF.

Ïa ka jingiakhun carom board yn sdang naduh ka ka 15 tarik haduh 17 tarik ha ophis treikam ka MSGEF (Ground Floor D.C Office Jowai) naduh ka por 11.00 baje mynstep.

Ka jingiakhun Badminton kan sdang naduh 20 tarik haduh 22 tarik ha Indoor Hall ka Dorbar Shnong Dulong haka por 5 baje nohphaisngi.

Ka MSGEF ka khot bad wer ia ki shakri sorkar kiba trei hapoh Rilum Jaiñtia kumjuh ki Bank/Semi Government ban iashimbynta ha kane ka lympung.

Ka  tarik khatduh ban pynpoi ïaki kyrteng kalong hashuwa ka 14 tarik Jymmang ha ka por 3.00 baje janmiet lane phone ha une u number 9366115391 (Indoor Secretary MSGEF Teddy Laloo).