Shen yn shna iew dielang ka KHADC ha Mawryngkneng

Syllad | The Rising MeghalayaApril 2, 2021

Ka Khasi Hills Autonomous District Council (KHADC) lyngba ka Excluded Areas Central Scheme 2019-2020 shen kan shna noh ia ka building thymmai na ka bynta ka ïew dielang ha Pomlahier jong ka Shnong Mawryngkneng.

U Bah Titos W Chyne, CEM ka Council u la plie ia u mawnongrim haka 31 tarik u Lber na ka bynta ban shna ia kane la ïew dielangbad la mang ban pynlutT.70 lak.

La ïadonlang u Bah Pynïaid Sing Syiem, MDC ka Sohryngkham uba dej ruh u Chairman ka Council, ka Kong Grace Mary Kharpuri, Executive Member ba dei peit ia ka tnad Market, Bah Teibor Pathaw, Executive Member ka tnad Council Building, u Bah Peter J Lawai,  Sordar ka Dorbar Shnong Mawryngkneng, Bah Wallambok Kharsati, General Secretary, ki nongialam shnong na ki dong bapher ka Shnong Mawryngkneng, ki riewrangbah lem kiwei pat.

U Bah Titos haba kren kum u kongsan ha ka jingialang u la ong ba ka Council ka don ka jingthmu ban ia kyntiew ha ka roi ka par na ka bynta ka jingmyntoi ki paidbah nongshong. ula ong kane ka  ïew kan long ka jingmyntoi ia ki nongrep ki nongkhaii ha kane ka thaiñ.

Na ka liang u Bah Pyniaid kum u nongmihkhmat ka thaiñ ula ong kane ka ïew kan long ka jingmyntoi ia ka thaiñ baroh kawei khamtam ia ki nongrep ha kaba kin ïoh ban pyniaid iew ia ki mar rep jong ki.