Shen yn tei noh iaka painkhana paidbah ha Kiang Nangbah Stadium

Syllad | The Rising MeghalayaMarch 13, 2022

U MLA ka Jowai, Wailadmiki Shylla ula khyllie paidbah ia u mawnongrim ban sdang tei iaka paiñkhana paidbah kaba la synniang da ka Rotary Club Jowai da ka jingiatreilang bad ka West Jaintia District Sports Association (WJDSA) haka sngi Saitjaiñ.

Ka jingshna ia kane ka painkhana kalong ban pynneh iaka jingkhuid jingsuba bad ban khanglad iaka jingleit shabar kat shaba lap ba shem bad ka long ruh shibynta ka jinglehkmen iaka lyngkhuh snem ba 50 ka WJDSA.

Iaka jingialang la pynïaid da u president Rotary Club Jowai u Rotarian Montri Passah.

Kiwei kiwei kiba kren ki kynthup ia u Rtn SK Lato uba long ruh uwei na ki nongseng ka WJDSA, u working president WJDSA Ma EMH Passah haka jingïadonlang ki dkhot nongkitkam ka WJDSA bad ki dkhot ka Rotary Club Jowai.

U Ma Wailad, ula kular ruh ban ai pynioh lad jingiarap ïaka WJDSA 10 lak tyngka lyngba ka 15th Finance Commission ban tei iaki jingtei ha Kiang Nangbah Stadium.