Shen yn thung ka Sorkar jylla haduh 2500 tylli ki kam ha ka tnat Pulit

Syllad | The Rising MeghalayaNovember 1, 2023

Ka Sorkar Jylla haka 31 atrik Risaw ka la mynjur ia ka revised uniform guidelines na ka bynta ka jingpynrung kam sha ka Tnat pulit ka jylla.

Haba kren sha ki lad pathai khubor hadien ka jingialang ka kynhun Myntri na ka liang u Myntri Sorkar u Marcuise N Marak ula ong “Ngi la mynjur ia ka revised uniform guidelines na ka bynta ka jingpynrung kam hapoh ka tnat Meghalaya Police”.

Kumjuh u Principal Secretary ka Tnat Personnel Bah CVD Diengdoh ula ong ba kane ka dei ka jingthungkam ha baroh ki kyrdan jong ki pulit naduh ki Sub Inspector, armed branch constable bad unarmed branch constable kynthup ki fireman bad MPRO operator.

Na ka liang ka Central Recruitment Board (CRB) kala pyniaid ia ka eksamin thungkam ia ki Pulit katkum ki kyndon.

“Ngi la iohi ha ki snem bala leit ba kine ki jingthungkam ki shimpor bha ban dep namar kiba bun ki rule..ta ka daw ngi la pyrshang ban pynbeit ryntih ia ki rule khnang ban gin lah pynthikna ba ka jingthungkam kan dei kaba pyndep ha ka rukom kaba janai, kaba shai bad kaba kloi” ula ong.

Nalor kata u Bah Diengdoh ula ong ba ki don haduh 2500 tylli ki kam kiba lait hapoh ka Tnad Pulit.

“Hadien bala dep ban pynkylla ia ki kyndon ain ne Rules, ngin sa pynmih jingpynbna bad hadien ngin sa pynbna laitkam ia kine ki kam kiba lait bad ka CRB kan sa pynthikna ba kan pynlong bad pyndep noh kloi ia ka eksamin rungkam” ula ong shuh shuh.