Shi jingim rai set phatok ia u Ngaitlang

Syllad | The Rising MeghalayaSeptember 7, 2024

Ka Kashari u Session Judge, East Jaintia Hills District, Khliehriat ka la rai pynrem ia u runar uba donkti ha ka kam pyniap briew ia uba la tip kyrteng kum u Ngaitlang Lyngdoh da kaba set phatok shi jingim ha ryngkat ka kuna kaba T.5000.

U Superintendent of Police, East Jaintia Hills District, Khliehriat lyngba u kyrwoh u pyntip ba ia ka C/No. 30 (3) 2010 hapoh ka kyndon ain 302 IPC kaba la register ha Khliehriat Police Station bad ia ka jingtohkit la pynkhamti ha u Inspector M Marboh halor katei ka kam pyniap.

Hadien ba la pynlong ia ka jingtohkit kaba bniah bad hadien la Charge Sheet katkum ka CS No. 42/2010 tarik 29.04.2010.

Hadien ba la pyndep ia ka jingtian bishar, ka Kashari ka la rai pynrem ia une u runar da kaba set phatok shi jingim hapoh ki kyndon 302 jong ka IPC.