Shi khung ki jingdawa buh ka KSU hakhmat ka MLA kynthei ka rilum Jaintia

Syllad | The Rising MeghalayaJuly 30, 2024

Ka Khasi Students’ Union (KSU), East Jaintia Hills District Unit kala buh shikhung ki mat jingdawa ha khmat ka MLA kynthei kaba nyngkong eh ka Rilum Jaintia, ka Kong Santa Mary Shylla, kaba dei ruh ka MLA Sutnga Saipung Constituency.

Kine ki mat jingdawa kiba ka KSU kala buh hakhmat ka kong Santa, ia kaba kila ai da ka dorkhas haka 27 tarik Naitung ki kynthup na ka bynta ban pynbha bad kyntiew kyrdan iaka koit ka khiah, ka pule ka puthi, ka lad iohkam iohjam nalor kiwei kiwei ki mat jingdawa.

Ia kane ka dorkhas la aiti da u president bad general secretary KSU EJHDU u Streamly N Suchen, u Kwilnis Suchiang nalor kiwei kiwei ki dkhot bad nongkitkam ka KSU EJHDU.

Ka Koit ka Khiah:
Ngi tip ba ka koit ka khiah ka dei ka spah bah jong u briew bad khlem ka koit ka khiah ngi duh lut ia baroh. Ka seng ka la shim ia ka mat ban buddien haba iadei bad ki jaka jingaisumar naduh ki sub-centre, ki PHC, ki CHC bad haduh ka Civil Hospital jong ka District ba don ha Khliehriat.

(a) Ka seng halor ka mat Civil Hospital bad ki sub-centre, ki PHC bad CHC ka la leit sha ka director ka tnat ka koit ka khiah ha u snem 2022 lyngba ka shithi ref. no: KSU EJHDU /2022 /10 dated: 4th August 2022.

(b) Ka seng dang shen ka la ioh ban kynduh ruh lyngba ka Lumshnong Unit iaka Director ka tnat ka koit ka khiah haba iadei bad ka PHC Lumshnong lyngba ka shithi ref. no: KSU/Lumshnong Unit/24-25/01, dated 24th May 2024.

(k) Ka seng ka la ioh ruh ka jingujor na ki samla wad kam haba iadei bad ka jing buhrieh ia 16 tylli ki post haba iadei bad ka Ayush Hospital ha Rymbai. Ka seng ka la wad iaka RTI bad lap ba ki post ba dei ban pynmih ki la set bad halor kane la ai dorkhas sha u DC barim bad la pan jingshai lyngba ka shithi ref. no: KSU/EJHDU/21/2024, dated: 06/03/2024.

(d) Ka seng ka la pan jingshai ruh na u DMHO halor ka jingbym mih kyrteng ka district dang shen haba iadei bad ka jing pynrung kam iaki nurse ha ki Referral Unit bad Critical Unit bad la ioh ka jubab ba iakine ki unit kim pat don ha district lyngba ka shithi ref. no:

Ka Pule Puthi:
(a) Ka seng hadien ba la ioh jingujor na ki kmie ki kpa ka skul Rymbai Government Secondary School ba la kumba shi snem khlem don nonghikai iaka subject Maths bad Science, ka seng ka la kynduh ia ki nonghkhmih katei ka skul ban pan jingshai bad ruh la kynduh sha u Director ka tnat pule bad la ai dorkhas lyngba ka ref. no: KSU/EJHDU/EDU/15/2023, dated: 13/10/2023 ka tnat ba dei peit halor kane ka la shim khia ban thung iaki nonghikai.

(b) Ka seng ka la ju khmih ruh iaka jinglong jingman ki skul ha ka district bad halor kane ka seng ka ju buh shithi sha ki tnat ba dei peit ban maramot ia kum kine ki skul bad ruh ka seng ha I bor ba rit ka la ju iarap da ki tin sop sha kum kine ki skul.

(k) Ka seng ka la ioh ruh ban khmih ia artylli ki project kiba iadei bad ka pule puthi bad kita ki long ka residential skul bad ka Block Institute of Teachers Education ha kaba la shu sah shrah haduh mynta. Halor kane ka seng ka la jurip bad ka la buh da ka dorkhas ha khmat u Director ka tnat ban buddien bad ruh sha ka Director ka tnat DERT ref. no: KSU/EJHDU/EDU/15/2023, dated: 13/10/2023.

Ba iaka Rymbai Government Secondary skul dei ban pynkiew kyrdan noh sha ka Higher Secondary School namar ka lah don ka proposal bad ruh ban pynkylla noh iaka Jaintia Eastern College sha ka full-fledged Government College.

Ka lad iohkam iohjam:
(a) Ka District jong ngi naduh ba khang iaka jingtih dewiong kaba long ka lad kamai ja kpoh ki khun ka district ba ha khmat duh da ka NGT, ka seng ka la wad ki lad ki lynti ha kaban shim kylliang noh pat iakatei ka lad bad:

(b) Ka seng lyngba ka Employment cell ka la shim iaka sein jam ban dawa ban buh noh iaka Industrial Training Institute (ITI) sha ki bor ba dei peit lyngba ka shithi ref. no: KSU/EJHDU/05/23 dated: 9/06/2023 bad ngi la iohi ba ka la urlong hadein ka jingiatreilang bad phi kum ka nongmihkhmat ka thain bad ka seng. Ka seng ka la tyrwa ruh ia katto katne tylli ki course ki ban don ha katei ka ITI bad halor kane ka seng ka la dawa ruh naka sorkar ba ka dei ban iateh soskular MOA bad ki company ba don hapoh East Jaintia ba ki dei ban bhah kyrpang iaki kam ia ki samla kiba pass ba kane ka ITI. Iakane la ai lyngnanka dorkhas sha u DC.

Ka mat BSF bad Surok NH-6:
(a) Ka seng halor kine ki mat ka la mih madan lai sien ban pyurlong iakine mat. Ka seng halor u surok naduh u snem 2023 ka la mih ban dawa ban pynshna noh ia u surok NH-6 tad haduh mynta ba ioh ia ka sanction ka seng ka la ieng triang ban dawa ban pynbha ia u surok na bynta ka jingmyntoi u paidbah bad khamtam halor ka khaii ka pateng.

(b) Ka seng halor ka mat BSF ka la iaid lynti iakane ka kam la kumba saw snem mynta lyngba ki shnat treikam ka seng bad haduh mynta ka kynti kam pat don satia ka lad ban the lakam iaka jing leh donbor ki shipai BSF kiba don khamtam ha Sonapyrdi ka seng halor kane ka mat ka la kynduh ia u Myntri ka tnat kam poh iing bad ruh sha i DGP ka jylla lyngba ki shithi ref. no: KSU/EJHDU/12/2023 dated: 18-09-2023 bad ref. no: KSU/EJHDU/2024-2025/10 dated: 20/06/2024.

Ka mat halor u Drok:
(a) Kumba ngi iohi ba ka jingjyllei jong u drok ha ka jylla jong ngi ka jur bha bat ka jingioh bat iaki drok lyngba ka East Jaintia Hills ka nang jur ka seng halor kane ka la buh iaka dorkhas sha ki bor ba dei khmih ban buh iaka infiltration check gate ha Tongseng kum shi bynta ban kham suk ban kem ia kum kine bad ruh iaki khar bangla kiba ju wan buhai shnong beain sha ka jylla bad iakane ruh ka seng ka la ai sha u myntri ba dei peit iaka tnat kam pohiing bad ruh sha i DGP. Ka seng ka la ai jingmut ruh sha ki bor district bad ka sorkar ba lada ong ban teh lakam ia u drok ka dei ban don ki Rehabilitation centre bad support services ban ai ki awareness programme bad kiwei de lyngba ka shithi ref. no KSU/EJHDU/11/2023 dated: 11/08/2023.

Bording bad Lad Jingiarap sha ki lanot ba shah lyngshop bor mariang:
(a) Ka seng hadein ka jingujor ki paidbah halor ka jingkiew palat ka bill light abd ka jingduh khah khah ka light ha ka thain ka seng ka la pan jingshai na u EE ka MeECL lyngba ka shithi ref. no. KSU/EJHDU/18/2023 dated: 24/11/2023.

Ka seng halor kitei ki mat ba la kdew haneng ka buh iaki jingdawa kumne harum:
Ba iaki jaka sumar naduh ki Sub Centre, PHC, CHC bad haduh Civil Hospital ki dei ban biang katkum ka jingdawa ka por bad ruh dei ban thaw ruh iakawei ka committee ki ban don na baroh ka liang (Stake Holders) ki ban na ka por sha ka por kin shim jingkhein ia jing donkam ki jaka sumar.

Ba iaki post ki bym pynmih dei ban pynmih lyngba ka notification bad ban nym set iaki haba iadei bad ka Ayush Hospital Khliehriat.

Ban thaw committee ban khmih abd buddien iaki project ba dang sah dien kiba iadei bad ka pule puthi bad ruh iaki jinglong jingman ki skul sorkar.

Ban thaw noh daka Committee ban iakren thik halor ka jingleh donbor ki BSF ha thain Narpuh khnang ba ka shongsuk shong shngain kan wan biang kumjuh ki mat halor u drok bad haka liang ka bording.