Shi khung ki kam pynroi ha West Jaintia Hills pynbna u Conrad Sangma, buh mawnongrim iaka jaka pynlang dud ban ioh 60 klur shibnai

Syllad | The Rising MeghalayaFebruary 10, 2022

Ban pyndap iaka jingdonkam dud bad ban ioh iaka jingdih kaba tei iaka met kumjuh ban pynlong iaka jylla kaba pahuh iaka dud katkum ka jingdawa u nongshong shnong ka Jylla, u Myntri Rangbah ka Jylla Conrad K Sangma ula buh ia u maw nongrim ban tei iaka dairy complex haka shnong Mukhla Umlangshor West Jaintia HIlls District haka sngi Balang.

Ia kane ka dairy complex ne ka jaka pynlang dud la bei pisa da ka National Programme for Dairy Development (NPDP) bad yn tei iaka jinglut kaba 9 klur bad la mang ban pyndep ha u bnai Naiwieng 2022.

U Conrad haba kren kum u kongsan ula ong ba na kane dairy complex kaba pyniaid da ka Jaintia Milk Union kan pynmih haduh 1 lakh 50 litre ka dud bad ka jingioh kan long haduh T.60 klur haka shibnai.

Ula iathuh ruh ba kane ka projek kan ai kam haduh 2000 tam ki nongri jingri bad kan iarap ruh bn pyndap iaka jingduna dud ha Jylla.

“Ka jylla ka pynmih dud 12 lakh litre haka shibnai, hynrei ka jingpyndonkam iaka dud kalong haduh 200 lakh litres haka shisnem bad ka jingiapher kalong shaba palat liam,” la ong u Conrad.

“Ngi iohi ba kane ka dairy complex kadei kaba kabu ksiar kaba khraw kumjuh iaki palat 2000 ngut ki nongri jingri kiba bun ki dei ki longkmie ban myntoi na kane ka jaka pynmih dud,” la ong shuh shuh u Conrad.

U Myntri Rangbah haba kren ula pynbna paidbah ruh shikhung ki kam pynroi ha Jowai Constituency bad ka district West Jaintia Hills kaba la kot haduh T.200 klur.

U Conrad ula iathuh ba ka Maternal and Child Health Hospital ha Jowai shen yn plie paidbah noh, bad T.20 klur la mang na ka bynta ban tei iaka Mini Secretariat.

Shuh shuh ka jingpynbha pynmiat iaka sor Jowai ne ka beautification of Jowai town T.12 Klur bad ka jingshna surok ha Jowai 23 klur kaba la bei pisa da ka World Bank. Iaka kam jngohkai la mang ban pynlut T.35 klur.

Iaka surok Jowai By Pass la mang T.55 klur nalor kiwei kiwei ki kam shna surok shnong bad Dawki Amlarem Jowai Road kynthup iaka surok shnong ka Mihmyntdu lyngba ka RIDF kaba la kot T.5 klur.

Kiwei kiwei kiba kren ki kynthup ia u MLA Jowai ma Wailadmiki Shylla, u GHP Raju, Principal Secretary ka tnad Veterinary & Animal Husbandry.

Kane ka jaka pynlang dud la ai sngewbha da u (L) Fast Sari uba long u Chairman ka Jaintia Milk Union.