Shi taiew ai por ka JAC Rilum Jaintia ban pynkynriah iaki ñiut na Jowai

Syllad | The Rising MeghalayaAugust 12, 2021

Ka Joint Action Committee (JAC) Rilum Jaintia kaba kynthup iaka AJCVA, MPUF, JYF, JSM, HYC, RJTA bad HNPF haka sngi Palei kala ai por shitaiew ban pynkynriah ïaki ñiut ba lumthup ha Iawmusiang, Ladthadlaboh bad hajan Thomas Jones Synod College.

U president ka JAC Rilum Jaintia, Paila Kordor Lyngkot ha u kyrwoh ba ula phah ula ong ba kila iakynduh ia u Deputy Commissioner, West Jaintia Hills ban dawa ban pynkynriah iaki ñiut ha baroh ka sor Jowai.

“Ka sorkar kynthup iaka Jowai Municipal Board, ka District Council, ka District Administration bad ki MLA kiba long ki nongmihkhmat ki dei ban ban pynbeit ia ka huri hura kaba mih na ka jingbret pathar ia kine ki jakhlia jakhlait hapoh shitaiew bad lada ym lah ban pynkynriah ka JAC kan leh da ka kam,” ula ong u Paila.